engamd89: 2014

كل ما تحتاجه لتعلم اللغة التركية ( اسطوانات + برامج + كتب + قواميس + دروس )
بسم الله الرحمن الرحيم
السلام عليكم ورحمة الله وبركاته
أضع بين أيديكم كل ما تحتاجه لتعلم اللغة التركية من الاسطوانات التعليمية المناهج الكتب القواميس والدروس وسوف أحدث الصفحة هذه دائما إن شاء الله نرجو الاستفادة منها .
أقوى اسطوانات تعلم اللغة التركية CDs learn Turkish
الاسطوانة الأولى : EuroTalk .
وهي اسطوانة تعليمية جميلة كثير للمبتدئين تحتوي على دروس العاب .
تتألف من ملف واحد مضغوط بعد فك الضغط سوف تشاهد ملف باسم (هام كثير لعمل الاسطوانة ) اتبع التعليمات .
التحميل من هنا
http://www.4shared.com/rar/Jqn28szh/eurotalk___cd_learn_the_turkis.html

الاسطوانة الثانية : Turkish language
وهي اسطوانة للمتوسطين تحتوي على مجموعة من الدروس التمارين اختبر نفس والكثير .
تتألف من أربع ملفات مضغوطة يجب تحميل الأربع ملفات أولا ثم فك الضغط ليصبح مجلد واحد بعدها سوف تشاهد ملف باسم (هام كثير لعمل الاسطوانة ) اتبع التعليمات .
التحميل من هنا
http://www.4shared.com/folder/aMovLaTb/Turkish_language.html

الاسطوانة الثالثة : Rosetta stone Turkish level
وهي اسطوانة للمتقدمين تحتوي على مجموعة كبيرة من الدروس صوت وصورة تمارين بأسلوب جميل كثير
تتألف من أربع ملفات مضغوطة يجب تحميل الأربع ملفات أولا ثم فك الضغط ليصبح مجلد واحد بعدها سوف تشاهد ملف باسم (هام كثير لعمل الاسطوانة ) اتبع التعليمات .
التحميل من هنا
http://www.4shared.com/folder/7vLYf3NP/Rosetta_stone_Turkish_level.html

أقوى مناهج تعلم اللغة التركية Turkish language courses
المنهاج الأول : Yeni Hitit
هذا المنهاج غني عن التعريف طبعا هذا المنهاج هو الذي يدرس في الجامعات التركية وهو نفس المنهاج الذي تقدم به فحص من أجل أخذ شهادة TÖMER للتسجيل في الجامعات التركية وهو يدرس أيضا في المركز الثقافي التركي والمعهد العالي للغات .
هذا المنهاج ثلاث مستويات كل مستوى يتألف من كتابين كتاب الدروس وكتاب التمارين مع ملفات الصوت تستطيع تحميلهم بشكل كامل .
التحميل من هنا
http://www.4shared-china.com/folder/2pa30YWL/Yeni__Hitit.html

المنهاج الثاني : türkçe okuyorum
هذا المنهاج رائع كثير وهو يدرس في جامعة حلب طبعا المنهاج يتألف من كتابين مع ملفات الصوت .

التحميل من هنا
http://www.4shared-china.com/folder/9sUK1w3L/trke__okuyorum.html

المنهاج الثالث : Ebru türkçe öğretim seti
هذا المنهاج أكثر من رائع بأسلوب بسيط وسهل كثير تستطيع تحميل الكتاب مع ملفات الصوت .

التحميل من هنا
http://www.4shared-china.com/folder/TPsIc-zz/ebru_trke_retim_seti.html

Learn Turkish language grammar تعلم قواعد اللغة التركية
ملف جمیل یتحدث على قواعد اللغة التركية
التحميل من هنا
http://www.4shared-china.com/rar/a2-cJIWd/Learn_Turkish_language_grammar.html

Arapça ve Türkçe aras_ndaki ortak kelimelerin الكلمات المشتركة بين العربية والتركية

ملف يحوي أكثر الكلمات المستخدمة في اللغة التركية ذو الأصول العربية

التحميل من هنا
http://www.4shared-china.com/rar/GZ0o0adO/Arapa_ve_Trke_aras_ndaki_ortak.html

Turkish - Arabic Dictionary Türkçe - Arabça Sözlük معجم قاموس تركي – عربي

التحميل من هنا

http://www.4shared-china.com/rar/08De0VUw/Turkish_-_Arabic_Dictionary__T.html

TÜRKÇE İNGİLİZCE SÖZLÜK Turkish english Dictionary معجم قاموس تركي - إنكليزي

التحميل من هنا
http://www.4shared-china.com/rar/zzMioCoC/TRKE_NGLZCE_SZLKTurkish_englis.html

برنامج تصريف الأفعال التركية مجاني % 100
تستطيع من خلال هذا البرنامج تصريف الفعل إلى جميع الأزمنة بشكل سهل كثير
التحميل من هنا
http://www.4shared-china.com/file/WlEMxvdb/winmekmak______.html

كتاب تعلم اللغة التركية – المستوى الأول – معهد الدارين للغات والترجمة
كتاب مجاني ويوجد أيضا له مجموعة من الدروس الصوتية كتاب جميل

التحميل من هنا
http://www.4shared-china.com/office/WvEMMzsW/___-___-_______.html

دروس مجانية لتعلم التركية Online Turkish Lessons
ستة عشر درس في اللغة التركية مجانية من موقع Online Turkish Lessons
التحميل من هنا
http://www.4shared-china.com/folder/WU03QLHs/Online_Turkish_Lessons.html

.
.
للمزيد من الكتب والاسطوانات والبرامج
http://www.4shared-china.com/folder/UBa7XkWO/trke_reniyorum.html

.
.
صفحتنا لتعلم اللغة التركية على الفيس بوك
http://www.facebook.com/groups/134320649938737/
.
.
نرجو تثبيت الموضوع
لا تنسونا من صالح الدعاء
أبو عمار

Muhittin ÖztürkmenSyrians in Turkey تجمع السوريين في تركيا Suriyeliler Turkiyede
رفئاتي الحبابين.. كتير منكون عم يسئلوني عن العيشه والدراسه في اسطنبول لهيك كتبت هالتقرير للإفادة.........

- اللغة السائدة هون هية التركية .. صعبة كتير .. في كتير كلمات مشتركة مع العربي بس قواعد اللغة التركية لا سهله ولا صعبه بدها تركيز ودقة.. يعني تعلم التركي متل تعلم الألماني بفرد شكل
نسبة الناس يلي بتحكي إنكليزي ئليلة كتير كتير .. يعني ما بتتجاوز 4 او 5 بالمية .. هاد بيشكل فرصة ليلي بيحكو إنكليزي وتركي .. بس يلي ما بيحكي تركي بيتبهدل .. بعتئد مدة 5 شهور كافية لحتى يبدأ الواحد يتأقلم مع اللغة التركية
يعني يعبر عن حالو بشكل بسيط

https://www.facebook.com/SuriyeTurkmenleriOgrenciBirligi?ref=hll

هي لينك لمعهد تاني اسمو تومر فاتح في منطقة مجيدية كوي.. يعتبر الأشهر بتركيا .. تابع لجامعة اسطنبول وشهادتو معترف عليها

http://tomer.fatih.edu.tr/?&language=EN

وهي اللينك الرسمي والعنوان لمعهد تومر انقرة فرع اسطنبول في تقسيم

+90 212 249 16 48-49-58
İstanbul@tomer.ankara.edu.tr
www.facebook.com/groups
Katip Mustafa Çelebi Mah. Tel Sok. No:29 Taksim-İstanbul

هي اللينك بتراقب فيها أخبار جميع الجامعات التركية وقبول طلاب الأجانب وفحوصات اليوس

http://kurslar.metropolegitimkurumlari.com/

http://www.metropolyayinlari.com/ من هنا خذو معلومات عن اليوس والكتب والأمثلة

موقع جميع الجامعات التركية

http://www.okulariyoruz.biz/L/TR/mid/1021/turkiye%27deki_devlet_universiteleri.htm
http://www.bayar.edu.tr/anasayfa/index.php

- العملة:

الدولار= 200 ليرة تركية .. و الليرة التركية متل القرد بينط وبينزل مو مستقر متوسط 170 ليرة سورية
- فرص العمل
يلي ما بيحكي تركي صعب كتير كتير يلائي شغل هون
بس مو مستحيل تماماً
الرواتب محددة من الدولة وأقل راتب ممكن ينعطى لشخص بتركيا هو 735 ليرة تركية .. بالنسبة لحملة الشهادة الجامعية رواتبون كمبتدئين بين 1200 وألفين ليرة تركي .. غالباً بتكون 1500
بالنسبة لحملة الماجستير بين 2500 و 6000 ليرة تركية .. مبتدئين
بالنسبة للدكاترة رواتبون مخيييفة ..
يعني ممكن توصل يوميتو ل 1000 ليرة تركي
طبعا إذا كان مشهور وشاطر
معظم السوريين عم يشتغلو بشكل مخالف هون .. يعني بدون إذن عمل .. لأنو إذن العمل صعب جداً ومعقد وبدو شهرين وبدو حلم الله
ما حدا بيحكي معون شي من الدولة .. يعني بيتغاضو عنون
بس في بعض الشركات متل الشركة يلي عم أشتغل فيها حالياً ما بيشتغلو غير نظامي
يعني صرلي شهر ونص عم أركد بإذن العمل ولهلئ ما بعرف شو صار فيه
- آجارات البيوت
تتراوح آجارات البيوت بين 600 ليرة تركية بمناطق بعيدة حوالي نص ساعة لساعة عن ساحة تقسيم يلي هي مركز المدينة
بالمركز بيوصل آجار الشئة بين الألف و الالفين وخمسمية ليرة تركية
بالنسبة للشباب بتاخد غرفة ببيت .. يعني ما في داعي تاخد بيت لحالك
بالمناطق يلي حكينا عنها سابقاً البعيدة بيكون آجار الغرفة حوالي 300 لل 450 ماكسيموم .. بالنسبة للمناطق يلي بمركز المدينة بين 450 و 1000 ليرة تركية للغرف الفارهة
و للي حابب يدور على بيوت أجار بتركيا هاد الموقع ممتاز بطرح التفاصيل و فلترة الخيارات يلي بيرغب فيها الشخص مت رنج السعر و عدد الغرف زز فيو كمان أجار سيارات و غيرو
موقع كرايغليست مفيد جداً لنفس الهدف بجميع دول العالم .. وبتركيا كمان
- المعيشة
سعر الوجبة الوسطي هو 10 ليرات .. يعني ممكن تاكل صندويش من سعر 5 ليرات او وجبة ممكن يوصل سعرها 15 ليرة .. ممكن للعشرين بس وئتها بتكون تخورفت .. طبعاً هاد بالحالات العادية وأكل مرتب.. طبعاً إذا الواحد أبضاي وئد حالو بيعمل أكل بالبيت وبيوفر على حالو كتير
فواتير الكهربا والمي والغاز هون عالية ممكن توصل ل100 ليرة تركي بالشهر عالشخص الواحد بالشتي .. بالصيف بتنخفض لأنو ما بيعود في تدفئة
بالنسبة للموبايل المكالمات رخيصة نسبياً يعني بين عشرين وأربعين ليرة تركي مع نت وكل شي .. أحسن شركة بالنسبة للأسعار هو آفيا ..
- المواصلات
المواصلات غالية نسبياً يعني ما حدا بياخد تكسي هون إلا إذا مضطر لأنو وسائل المواصلات كتير متنوعة وسهلة
عندون أكتر من 15 وسيلة مواصلات مختلفة
التكلفة حوالي ليرتين لكل وسيلة مواصلات
يعني بدك ترصد مبلغ 100 ليرة تركي وسطياً للمواصلات .. حسب حركتك
- الفيزا والإقامة
تركيا لا تحتاج فيزا للسوريين .. يعني انت بالشام بتقرر أنو تجي عتركيا بتحجز طيارة وبتطلع مباشرة .. كأنك رايح عاللاذقية.. وئت توصل بيحئلك تئعد مدة 3 أشهر بدون أي إجراءات أو إقامة أو أي شي .. إذا كانت فترة بقائك أكتر من 3 أشهر معناتها لازم تسوي إقامة..كل شخص يغادر تركيا قبل ان تنتهي ال3 اشهر ولو قبل يوم ورجع الى تركيا سوف تتجدد فيزته وتصبح 3شهور اخرى ...
يجب على كل سوري مقيم في تركيا فوق ال3 اشهر ويريد السفر خارج تركيا ان ينتبه الى شيء وهو لايجوز له ان يتجاوز ال3اشهر في البلاد ويغادر بدون ان يسجل على اقامه لانه سوف يدفع غرامه ماليه ضخمه عند المطار ارجو الحذر فهذا خطأ يرتكبه اشخاص كثر....
سؤال: اذا تخطى الثلاث اشهر وبعدها قدم على اقامة هل يدفع الغرامة ايضا؟ جواب: لا ما بيدفع .. طلعت الحكومة عفو عن جميع السوريين المخالفين
بالنسبة للإقامة عم يعطو إقامات للسوريين (إقامة سوري- يعني إقامة سياحية مو لاجئ) بتكلف 197 ليرة تركية بتنطح ليرة .. سهلة جدا بس بتاخد كتير وئت .. بدك جواز سفر وصور شخصية وحساب بالبنك أو ورئة من صراف انك مصرف عندو مصاري .. في ناس طلعتها بدون هي الورئة .. بيعطو سنة أو ست أشهر انت وحظك
للحصول على إقامة بتئدم على موعد عن طريئ هاد اللينك

https://e-randevu.iem.gov.tr/yabancilar/dil_sec.aspx

فيك تئدم عالموعد ئبل ما توصل على تركيا أو أثناء وجودك هون .. بس موعد موعد مو موعد سوري!!

بيكتبولك شو الوراء المطلوبة وئت بتئدم عالموعد عالنت .. بتاخد الوراء وبتروح بتئدمون .. بيئلولك رجاع بعد كزا يوم بالتاريخ الفلاني الساعة الفلانية .. بترجع بالموعد التاني بياخدو بصماتك وبيعطوك إقامتك .. ممكن بالموعد التاني تكون إقامتك مو جاهزة بيعطوك موعد تاني ..
- الناس
متل الشعب السوري بفرد شكل
غيرة وغيبة وضيافة ونضافة وعادات وتقاليد وكلللل شي
الحياة هون اسرع بشوي من سورية .. بس مو متل اوروبا وأميركا مافي وئت تحك راسك . يعني العالم ريلاكسس
في شوية بيروقراطية وشوية بطئ بس بالنهاية كل شي بيصير صح
في عندون سلبينا وتأخر عالمواعيد متل عنا
بس في ناس ما معها مزح بالمواعيد بنوب ..
والله ما بيئصرو معنا
مين ما ئلت انا سوري بيئلك عراسي نحنا أخوة
-الطبابة
حالياً أصدرت الحكومة التركية انو الحالات الإسعافية والولادة مجانية للسوريين ..
منحت الحكومة التركية تامين صحي للسوريين ....يعني العلاج بالمستوصفات والمشافي الحكومية مجانا وسعر رمزي للدواء ....
لازم يكون عندك اقامة (اقامتي سنة خاصة للسوريين ما عندي فكرة اذا بيصير السياحية) حتى تأخذ التامين الصحي .

بتروح على المبنى التالي :Sgk İstanbul İl Müdürlüğü Fatih Sosya l
قريب جدا من بلدية اسطنبول بالشارع المقابل لجامع الشيخ زاده
رح يقوم موظف بكتابة رقم التامين باخر ورقة على دفتر الاقامة .
وقت تدخل على اي مشفى حكومي رح يدخلوك على اساس هاد الرقم .
ما عندي فكرة عن صلاحيات هاد التامين
موقع المبنى على google maps .

https://maps.google.com/maps?hl=en&sugexp=les%3B&gs_rn=2&gs_ri=hp&cp=7&gs_id=h1&xhr=t&q=fatih+istanbul&biw=1366&bih=611&bav=on.2%2Cor.r_gc.r_pw.r_qf.&bvm=bv.42080656%2Cd.d2k&um=1&ie=UTF-8&sa=N&tab=wl

- اسطنبول
مدينة فيها حوالي 25 مليون شخص.. كبيرة كتير كتير كتير..أغلى مدينة بتركيا .. يعني أسعارها بتوصل للضعف أو أكتر عن بائي المدن.. بتاخد العئل .. أحلى من مية أوروبا فيها الإسلام وفيها الصياعة وفيها الرفاهية وفيها التقشف .. تنوع بيئي كبير بيخلي مجرد المشي بالشارع شغلة مميزة .. البحر والمناطق الطبيعية عنجد بتسحر .. فيها جو معتدل متل الشام على أبرد بشوي .. إذا بتطلع منها مسافة ساعتين بتروح على جبال للتزلج او على مناطق بتسحر وهكذا .. حتى روحتك عالشغل هون سياحة على كتر ما بتشوف عجايب كل يوم
بأختصار انا مبسوط فيها والحمدلله
- حساب البنك
فيك تفتح حساب بالبنك بالليرة التركي وباليورو وبالدولار .. بسيطة كتير بدك إقامة وجواز سفر ورقم تي جي (بتحصل على رقم التي جي من النت بعد ما تطلع الإقامة.. شغلتو بسيطة كتير>> بتفوت عاللينك هاد وبتحط تاريخ الميلاد ورقم الإقامة .. وبس يطلع عندك رقم التي جي بتحفظو متل أسمك لأنو بدك تستخدمو كتير كتير .. بيعادل السوشل نمبر عند الأجانب https://tckimlik.nvi.gov.tr/YabanciKimlikNo/DogumYiliveIkametTezkereNoSorguModul.aspx) وبتروح لعندون وبتفتح حساب .. أحسن بنك هو إيش بانكاسي

في شي قيود على السوري اذا بدو يفتح حساب بالبنك .. ؟؟

سؤال جيد .. بسبب ممارسات البعض صارو يدئئو زيادة على فتح الحساب .. بس عامةً لاء ما في قيود .. ما بعرف بالمستئبل كيف ... الإثنين الماضي فتحت حساب بالليرة التركي وباليورو وبالدولار ومتل الصلاة عالنبي
الجالية السورية
للأسف الجالية السورية هون مفرطعين وما حدا بيهمو حدا .. حتى بالعيد نظمو كزا إجتماع عالنت وإجا بس شخصين أو تلاتة بالكتير .. بالنسبة للعائلات في كتير عائلات سورية مستقرة بمنطقة زيتون بورنو واسنلر وباشاك شهير وفاتح ووين مارحت بتشوف قدامك سوري ..لأنو ئريبة من مدارس السوريين .. في مدرستين وروضة باسطنبول خاصين بالسوريين طبعا هلئ كترو المدارس ,,,,,,

هي مدرسة القادمون

https://www.facebook.com/pages/مدرسة-قادمون/267772143341469?ref=ts&fref=ts
مدرسة الأمل المشرق
https://www.facebook.com/AlmdrstAlswrtFyAstanbwl?fref=ts
بعض لينكات الجالية
https://www.facebook.com/groups/syr.ist/?ref=ts&fref=ts

https://www.facebook.com/pages/ملتقى-السوريين-في-اسطنبول/310147495771586?ref=ts&fref=ts
14 الدراسة
ولكن هادا اللينك بيجاوب على كل اسألتك بالتفاصيل المملة وهي من أفضل الصفحات للطلاب السوريين في تركيا والشباب أصحاب الخير ....
https://www.facebook.com/SuriyeTurkmenleriOgrenciBirligi?ref=hl
https://www.facebook.com/SuriyeTurkmenleriOgrenciBirligi?ref=hl
في كتير حكي ينحكا .. بس ما عم يخطر عبالي شي .. بس إذا في شي سؤال سئلوني
ملاحظة: لجميع السوريين يلي عم يجو .. حافظو عنضافة البلد .. بدنا نكون أنضف من الأتراك نفسون على بلدون ..وما لازم نعمل أي شي غلط (الغريب أديب) أول كانت الحكومة التركية مسهلة كتير الأمور .. بس بعد زعرنة البعض صارو ياخدو بصمات الكل وصعبو فتح حسابات البنوك .. بمعنى أنو خطئك رح ينعكس على كل السوريين .. ليش هيك عم بحكي؟؟ من النماذج يلي شفتها.. يعني كل السوريين الضيوف يلي شفتون بدون إستثناء أول ما أشرحلون على نظام المواصلات وطريئة الدفع فوراً بيشتغل مخون السوري وبيعدو يسئلوني طيب إذا فتت من هون ما بدفع وهيك .. ودائماً جوابي نفسو .. تضربو انتو وهالمخ الحربوء .. الفكرة انو الجماعة متعاونين كتير وعم يسهلو حياتنا .. بدنا نرد الجميل بحسن التصرف ..
https://www.facebook.com/SuriyeTurkmenleriOgrenciBirligi
............اتحاد طلبة تركمان سوريا.............. Muhittin Öztürkmen